Бар ма менің жазығым

Текст песни: Бар ма менің жазығым

Жүрдік бірге, жас өмірдің жасыл барқыт бағында,
Нұрлы жүзің көз алдымда, үнің әлі жадымда.
Айдынымен қоштасатын аққу ме едің, нәзігім?
Қапияда қайда кеттің, бар ма менің,
Бар ма менің, бар ма менің-ай жазығым?

Сол күндерді, бал түндерді, ұмытады дедің бе?
Тербетіліп жүрсің әлі көңілімнің көлінде,
Құлағымнан кетпей қойды сыңғырлаған наз үнің,
Қапияда қайда кеттің, бар ма менің,
Бар ма менің, бар ма менің-ай жазығым?

Толқып тұрған асыл айдай, жалғыз едің сен менде,
Сәуле төгіп, күлімдейсің, дірілдейсің кеудемде.
Саған деген махаббаттың, азабынан қажыдым,
Келші жаным, айтшы жаным,
Бар ма менің, бар ма менің-ай жазығым?

Саған деген махаббаттың, азабынан қажыдым,
Келші жаным, айтшы жаным,
Бар ма менің, бар ма менің-ай жазығым?